Kuba në telashe, nuk ka letër tualeti

Kuba nuk ka më lëndë të parë për prodhimin e letrës së tualetit, e për shkak të zvogëlimit të importit për 20 për qind duket se nuk do të mund ta marrin as nga shtetet tjera. Kompania shtetërore Cimex, e cila furnizon Kubën me letër është dashur të deklarohet publikisht me një vërejtje. "Kuba importon dhe prodhon letrën e vet të tualetit, mirëpo aktualisht nuk kemi lëndë të parë të mjaftueshme për prodhim", ka thënë zëdhënësja e kompanisë Cimex. Për shkak të krizës ekonomike, Kuba këtë vit ka shkurtuar buxhetin dhe ka kufizuar importin. Në dyqane ka filluar të zhduket letra e tualetit, derisa hotelet do të duhet të gjinden vet në blerjen e këtij artikulli të nevojshëm.