Besimi dhe ndershmëria
Tregohet se një njeri ishte shumë i varfër. Jetonte me një grua e cila ishte e devotshme dhe fisnike.
Njëherë ajo i tha:
"Nuk kemi asgjë sot për të ngrënë!"
Njeriu doli nga shtëpia për të kërkuar nafakën dhe në haremin e xhamisë gjeti një qese me një mijë dinar. U gëzua pa masë, i morri dhe shkoi në shtëpi. Gruaja i tha:
"Rregull është që paratë e gjetura t'i lajmërosh përderisa nuk gjendet pronari i tyre."
Njeriu i varfër shkoi në harem të xhamisë dhe lajmëroi për të hollat e gjetura. Nga njerëzit doli një njeri i cili tha:
"Këto të holla të takojnë ty, por ja edhe 9000 dinar tjerë."
I varfëri e pyeti:
"A po tallesh me mua?"
Njeriu u përgjigj:
"Jo, pasha Allahun! Por, këto para mi ka dhënë një njeri nga Iraku dhe më tha që qesen me një mijë dinar ta hudh në haremin e xhamisë, e pastaj të pyes se kush i ka gjetur. Nëse ai që i ka gjetur të hollat paraqitet , ia jep edhe 9000 dinar tjerë, sepse ai ka treguar se është i besueshëm dhe i ndershëm."
..