Shumë gardianë që thurin plane për tu martuar hasin në veton e familjarëve të të përzgjedhurave të tyre. I tillë është edhe turku 31- vjeçar, Erdinc Teskesen. Në tre dyer ku ka trokitur për të
kërkuar dorën e vajzave të shtëpisë ka marrë "jo" si përgjigje. "Jam pa vese, kam përfunduar studimet e larta, familjet sapo më njohin më pëlqejnë",- rrëfen Teskesen,- por sapo e mësojnë që jam gardian ndryshojnë sjellje menjëherë". Të
njëjtin mendim ka edhe kolegu i tij, 29 vjeçari Murat Akin. "Për sa kohë të kemi këtë imazh të keq, martesa për ne është mollë e ndaluar". Rauf Erdogdu hyn edhe më thellë në vështirësitë e profesionit. Ai tregon se nervozohen shpejt ngase janë në një punë shumë stresuese. "Të jesh vazhdimisht në kontakt me kriminelë të ndikon shumë psikologjikisht. Disa shokë tanët kërcënohen vazhdimisht, madje të tjerë edhe janë sulmuar. Kjo e bën gjithçka më të vështirë".