Aktorja e njohur, Sarah Jessica Parker do ta braktisë Hollywoodin në mënyrë që në tërësi t’i përkushtohet amësisë.
Aktorja seriozisht mendon që të përfundojë karrierën e saj si aktore në mënyrë që t’iu përkushtohet binjakeve të saj të cilat i dëshironte më shumë se gjithçka. Lindja e vajzave pritet kah fundi i verës, ndërsa shtatzëninë do ta kryejë nëna surrogate.
“Sarah është e gjitha në përgatitje për vajzat e saj dhe aktrimi momentalisht nuk po e intereson fare as nuk është prioritet i saj. Planifikon të përfundojë xhirimet e pjesës së dytë të ‘Sex and the City’ e pas kësaj nuk ka më kurrfarë planesh’, tha burimi i afërt me aktoren.
Sarah dhe Matt janë shumë të entuziazmuar që do të bëhen prindër. Thuhet se çifti tashmë një kohë të gjatë dëshiron të zgjerojë familjen, por kurrsesi s’iu shkonte. Ndërsa tash pritet të ndodh.