Alo policia, jam i uritur!

Një amerikan i dehur ka thirrur dy herë linjën emergjente telefonike, sepse ka qenë i uritur. 36-vjeçari Benjamin Dewer nga Delray Beach është paditur për thirrje të panevojshme të policisë.

Ai ka thirrur numrin 911 dhe ka kërkuar ndihmë nga patrulla policore. Kur policia ka arritur tek ai, e kanë gjetur atë të dehur në një trotuar. Më pas ai u është lutur ta dërgojnë deri në park, dhe u është ankuar se ishte i uritur.

Pasi që policët e nervozuar kanë refuzuar ta dërgojnë në park apo ta ushqejnë, ata janë larguar, e Dewer ka thirrur policinë sërish.

Kësaj radhe ai është marrë dhe mbajtur në burg, derisa i është përcaktuar lirimi me pagesë.