Borxhliun e lidhin për shtyllë
Një rast i veçantë i rrëmbimit për shkak të borxhit ka ndodhur një natë më parë në Carrallukë të Malishevës.Pengu është liruar dhe dy rrëmbyesit e dyshuar kanë përfunduar në pranga.
Sipas policisë rajonale, rreth orës 22:15 min, policia në Malishevë është informuar
se në fshatin Carrallukë një mashkull është rrëmbyer nga dy të dyshuar.
“Viktima me dhunë është dërguar në një mal, në varreza të fshatit, dhe aty është
lidhur me tel për një shtyllë elektrike”, thuhet në raportin policor duke shtuar më tej se pas një hetimi të shkurtë Policia ka ndërmarrë një operacion operativo-taktik me ç’rast ka
arrestuar dy të dyshuarit.
Viktima me mbiemër Mazreku ka shpëtuar dhe është në gjendje të mirë.
Sipas hetuesve, dyshohet se rrëmbimi është kryer për të ushtruar presion ndaj
viktimës për kthimin e një borxhi. N. Krasniqi