Kush janë dijetarët?

Kush janë dijetarët?
Shkoqitur nga një libër në pritje – Hadithi i transmetuar nga Irbad ibn Sarijeh, Allahu qoftë i kënaqur me të:"Juve ju takon ta ndiqni Sunetin [rrugën] tim dhe Sunetin e halifeve të udhëzuara drejt...", shpjeguar nga shejh Ubejd ibn Abdilah el-Xhabirij, ish-profesor në Universitetin Islamik të Medinës.

Shejh Ubejd el-Xhabirij thotë:

"Dijetar është ai që njihet për dije dhe që vendosmërisht është i rrënjosur në të. Tek ai muslimanët duhet të studiojnë, jo ta lënë atë për ndonjë që është nën të, përveç nëse ka nevojë për këtë. Ibn Mes'ud, Allahu qoftë i kënaqur me të, ka thënë:

"Njerëzit do të vazhdojnë të jenë në mirësi, për sa kohë që marrin dijen nga shoqëruesit e të dërguarit dhe nga të vjetrit e tyre. Por, nëse e marrin dijen nga të rinjtë, do të shkatërrohen".

A e dini se kush janë të rinjtë? Ata janë njerëzit e tekave dhe të dëshirave. Ata e lënë tekstin pejgamberik dhe kapen pas opinioneve të veta, pas filozofisë dhe pas të folurit të zbukuruar, derisa t'i mashtrojnë njerëzit. Ata i mbajnë nën kontroll dhe i dërrmojnë me injorancë njerëzit.

Dijetarët e kishin zakon t'i provonin njerëzit e secilit vend me dijetarët e tyre. Kështu, në të kaluarën, thoshin:"Provoni banorët e Medinës me Malik ibn Enes, banorët e Shamit me el-Auzain, banorët Egjiptit me Leith ibn Sa'd, banorët e Kufës me Sufjanin dhe banorët e Mosulit me Mu'afeh ibn Imran".

Çfarë mendohet me këtë është që banorët e këtyre rajoneve pyeteshin për dijetarët e tyre. Nëse ata flisnin mirë për ta dhe i respektonin, ata [dijetarët] i nderonin dhe i respektonin [banorët]; nëse flisnin keq për këta dijetarë dhe i fyenin, dijetarët i mbanin larg ata, duke u tërhequr prej tyre. Kjo tregon që dijetarët janë një bekim për popullin islamik. Ata i edukojnë njerëzit dhe ua mësojnë fenë nga Kurani dhe nga Suneti, në metodologjinë e paraardhësve të devotshëm. Me anë të tyre, njerëzit forcohen, peshoret maten siç duhet dhe pronat e njerëzve mbrohen nga risitë në fe dhe nga çështjet e shpikura.

Nëse populli islamik nuk shfaq nevojë për dijetarët e vet dhe i vendosin në rend të dytë, pas vetes, atëherë këta njerëz konsiderohen të këqij. Përshëndetni ata, se, vërtet, djajtë nga xhinët dhe nga njerëzit do t'i pushtojnë.

O muslimanë, mos u bëni si ata, të cilët nuk shfaqin nevojë për dijetarët. Dijetarët që njihen tek të gjithë janë:

Imam shejh AbdulAziz bin Baz, Allahu e mëshiroftë;
Imam shejh Muhamed ibn Salih el-Utheimin, Allahu e mëshiroftë;
Imam shejh el-Albani, Allahu e mëshiroftë, si dhe vëllezërit e tyre pas tyre, të cilët janë në të vërtetën, sipas gjykimit tonë - dhe Allahu është llogaritës i tyre -, me në krye Muftiun e Mbretërisë të Arabisë Saudite shejh AbdulAziz ibn Abdilah el-Shejh,
i nderuari shejh Salih el-Luhejdan,
i nderuari shejh Salih el-Feuzan,
i nderuari shejh Abdullah ibn el-Gudejan, dhe vëllezërit e tyre, që janë me ta në Sunet. Nuk i lavdërojmë tej lavdërimit të Allahut dhe Allahu është llogaritës i tyre.

O muslimanë, jini të kujdesshëm që mos t'u kaplojnë opinionet e të ngatërroheni nga të folurit verbues, sepse ky është fillimi i drejtimit të keq dhe i shkatërrimit. Allahu na mbrojt, juve dhe neve, në fenë tonë, në këtë jetë dhe në tjetrën..."