Qeni që pi një pako cigare në ditë

Kuzhinieri kinez Zeng Ziguang nga Wuchang, në provincën Hubei, mësoi qenin e tij të pijë duhan. Kur e bleu para gjashtë muajsh filloi ta mësojë që të pijë duhan ndërsa tashmë qeni e pi një pako cigare në ditë. “Ai në fillim e urrente tymin e cigares, por unë e mësova duke tymosur para tij”, thotë Zeng, transmeton “orange.co.uk”. “Blackie u bë i varur nga era e duhanit dhe më pas unë kam filluar t’ia vendosë cigaren e ndezur në buzë. Sa herë që e pranonte, unë e shpërbleja me ushqim”, thotë Zen. Megjithatë, fqinjët nuk pajtohen me të. Janë të habitur se si ka mundur Zeng ta detyrojë qenin e tij të pijë duhan. “Ai është pronar i keq i kafshëve shtëpiake”, thonë fqinjët e këtij 23-vjeçari.