Një foshnje i gjinisë mashkull në Indi ka lindur me zemrën jashtë kraharorit.
Mjekët që morën në dorëzim foshnjën e jashtëzakonshëm ia mbuluan atij zemrën me një membranë sintetike dhe i kanë kryer një transfuzion të plotë të gjakut, pasi fëmija kishte udhëtuar me tren së bashku me prindërit dhe gjaku i ishte infektuar nga papastërtitë.
Sipas mjekëve kardiologë të “All India Institute of Medical Center”, ne çdo 1 milion lindje ka vetëm 5 deri në 8 lindje me të tilla probleme. Ata e shpjegojnë këtë me mosarritjen e mbylljes së kraharorit përpara lindjes së fëmijëve. Një grup kirurgësh kardiologë kanë marrë përsipër një operacion të ndërlikuar për krijimin e një “banese” në kraharor për foshnjën e sapolindur.
Një rast i ngjashëm operacioni kirurgjik është ndërmarrë në vitin 2006 në Florida të SHBA-së, ku doktorët arritën ta mbyllin me sukses zemrën nën kraharorin e një foshnje të sapolindur.