Fetvaja për ta rrahur burrin............

Fetvaja për ta rrahur burrin
Dy dijetarë dhe një mendimtar i njohur musliman thonë se gratë bën të i rrahin burrat e tyre ne vetëmbrojtje.

"Gratë mund ta përdorin forcën në vetëmbrojtje, ta kundërshtojnë dhunën e burrit të tyre," thotë dijetari Abdel Mohsen El-Abiakan për IOL.

"Në qoftë se burri e godet ajo mund ta godas atë dhe nëse ai provon ta mbytë ajo mund ta mbys atë në vetëmbrojtje nëse kjo është rruga e vetme për ta shpëtuar jetën e saj."

Abiakan thotë se gratë duhet të përdorin të gjitha mjetet e mundshme për ta mbrojtur veten para se të kundërshtojnë me dhunë.

"Ajo duhet të flas, bërtasë, kërkojë ndihmë nga fqinjët apo ta thërras policinë apo ata që mund ta ndihmojnë."

Gjithashtu në El-Ezher pajtohen se gruaja e ka të drejtën për vetëmbrojtje në rast të dhunës nga burri.

"Gruaja e ka të drejtën ta godasë burrin në vetëmbrojtje," citohet te këtë thënë në gazetën ditore Egjiptase El-Masri El-Joum Sheik Abdel Hamid El-Atrash, kryetari i komitetit për Fetva.

"Çdo person ka të drejtën për vetëmbrojtje, është mashkull apo femër...sepse të gjithë jemi të barabartë para Zotit."

Vetëmbrojtje

Dijetari i njohur turk Fethullah Gylen ka sugjeruar që femrat të mësojnë sportet luftarake për vetëmbrojtje nga dhuna shtëpiake.

"Do të doja që femrat të mbajnë trajnime të karatesë, taekvandos apo xhudos," thotë Gylen për gazetën ditore turke Zaman.

"Nëse ai e godet një herë, ajo duhet ta godas dy herë."

Gylen thotë se Profeti Muhamed (a.s) dhe sahabët e tij kurrë nuk i kanë rrahur gratë e tyre.

"Është një vepër e dhunshme të rrihet gruaja," thotë ai duke i këshilluar rastet me dhunë në familje për shkurorëzim.

"Këto femra, nëse nuk kanë fëmijë duhet të shkurorëzohen."

Në Qershor, revista Amerikane "Foreign Policy" tani që shitet edhe në Kosovë e vendosi Gylenin në vendin e parë të 20 intelektualëve botërorë.